Ezekiel 3
1Tua khit ciangin amah in kei kiangah, “Mihing tapa aw, hih na mai a ne in, hih laizial ne inla tua ciangin pai-in Israel innkuante va paupih in,” hong ci hi. 2Tua ciangin ka kamka a, ka nek dingin laizial hong pia hi. 3 Tua khit ciangin kei kiangah, “Mihing tapa aw, hih kongpiak laizial ne inla na gilpi dim in,” hong ci hi. Tua ciangin ka ne a ka kam sungah khuaizu bangin a khum hi. 4 Tua khit ciangin amah in kei kiangah, “Mihing tapa aw, tu-in Israel innkuante kiangah pai inla amaute tungah ka thugen va gen in. 5A kam telhak le pau haksa mite lakah hong kisawl hi loin Israel innkuante - 6pau telhak le kam haksa mi tampite kiang hong kisawl hilo hi. Amaute kiangah kong sawl ciangin na thu hong ngai taktak ding uh hi. 7Ahi hangin Israel innkuante in na thu hong ngai nuam lo ding uh hi, bang hang hiam cih leh Israel innkuan bup paupengin lungkhauh uh ahi manin ka thugen a ngai nuam kei ding uh hi. 8Ahi hangin amaute mah bangin akhauh mahmah le aduai mahmah in nang kong bawl ding hi. 9Na taltang suang sakpen meisah suang sanga a sakzaw-in ka bawl ding hi. Amaute a lehdo innkuan ahi uh hangin amaute ahikeh hong linthawnnate uh kihta kei in”, hong ci hi. a 10 Tua ciangin amah in, “Mihing tapa aw, limtakin ngai inla kong gen thu khempeuh na lungsim ah kem in. 11Tu-in na mipih saltangte kiangah pai inla va hopih in. Amaute tungah, “Hih in Thupipen TOPA gen hi,’ ci in. A ngai uh a, a ngai kei uh zongin va gen in”, hong ci hi. 12 Tua ciangin Kha in kei hong domto a, ka nunglam ah a gin ngaih mahmah khat - Ama omna munah TOPA minthanna kiphat hen - 13a nungta ganhingte kha khat le khat a kinawkkha le apanga a peite a ging henhan ka za hi. 14Tua ciangin Kha in kei hong domtoin hong paipih a, TOPA khut muanhuai in hong lenkawmin ka lungsim ah hehna le lungkimlohna tawh ka kuankhia hi. 15Kebar Gunpi gei Tel Aviv a teng salte kiangah ka tung hi. A tenna uh amaute lakah ka lungsim hong zenin ni sagih sung ka tu hi. bIsrael Vauhilhna
16 Ni sagih a cin ciangin TOPA thu kei tungah hong tunga, 17“Mihing tapa aw, Israel innkuante adingin galvilpa kong suaksak hi; tua ahi ciangin ka thugen za inla kei tangin vauhilh in. 18Keimah in migilo khat tungah, ‘Na si taktak ding hi,’ ka cih a, nang in amah vauhilh lo ahikeh a nuntakna hot nadingin a gitlohna pan a kikhel nadinga na zol kei leh tuami a mawhna hangin ▼▼3.18 Ahikeh sungah tg.19 le 20 ah zong
si dinga, a mawhna sisan nang tungah kong siik ding hi. 19Ahi hangin migilopa na vauhilh a, amah a gitlohna khawl tuan lo ahikeh a gitlohna lampi pan a kihei nop kei leh a mawhna hangin a si ding hi; ahi hangin nang le nang na kihonkhia ding hi. 20 “Khat leuleu, mi thumaan khat a thumaanna panin a kihei a, a hoih lo a sep ciangin ama kimuktuk nading ka koih dinga amah a si ding hi. Amah vauhilh lo na hi nungsang ama mawhna hangin a si ding hi. A hihsa ama thumaanna kiphawkkha nawn lo dinga, ama sisan hangin nang kong mawhsak ding hi. 21Ahi zongin a thuman mipa a mawh loh nadingin na vauhilh a, a mawh nawn kei leh amah in amaana kivauhilhna mang ahi manin nungta taktak dinga, nangmah le nangmah a kihonkhia na suak ding hi,” hong ci hi. d 22 TOPA khut ka tungah om lai-a amah in, “Dingkhia inla zanglei-ah pai in tua lai-ah nang kong hopih ding hi,” hong ci hi. 23Tua ciangin dingkhia-in zanglei ah ka pai hi. Tua lai-ah Kebar Gunpi gei-a ka muh minthanna tawh a kibang TOPA’ minthanna na dinga, ka khuptuk suk hi. e 24 Tua ciangin ka sungah Kha hong tumin ka khe in hong phongto hi. Kei hong hopih a, “Pai-in na inn sungah kikhakkhum in. 25Nang mihing tapa khau-in hong khih ding uh hi; mite lakah na pai theih loh nadingin nang hong kihen ding hi. 26Amaute a lehdo innkuante ahi uh hangin amaute tai thei loin na daih nadingin na kam sunga na leii na dang tungah ka belhsak ding hi. 27Ahi zongin nang kong hopih ciangin na kam ka hong dinga, amaute kiangah, ‘Hih in Thupipen TOPA thugen ahi hi,’ na ci ding hi. A ngai nuamte ngaisak inla, a nial nuamte nialsak in, ahang in, amaute a lehdo innkuan ahi uh hi. f
Copyright information for
ZomZIV